Адамдар вакцина салдырмай жатыр, сондықтан осындай шешім жасалды.
ERNUR.KZ. Пәкістан провинцияларының билігі коронавирус инфекциясына қарсы вакцинадан бас тартқан тұрғындардың ұялы байланысы бұғатталатынын мәлімдеді, деп жазады Tengrinews.kz.
Алғашқы медициналық-санитарлық көмек департаментінің баспасөз хатшысы Пенджаб Хаммад Разаның айтуынша, алдымен бұл шаралар ұсыныс ретінде айтылған. Алайда адамдар вакцина салдырмай жатыр, сондықтан осындай шешім жасалды.
Мәселен, вакцинадан бас тартатын мемлекеттік қызметшілерге шілдеден бастап жалақы төлеу тоқтатылады. Ал ұялы байланысты бұғаттаумен Пәкістанның Мемлекеттік байланыс агенттігі айналысады.
Пәкістанның жас дәрігерлер қауымдастығының басшысы Салман Хасибтің айтуынша, адамдар вакциналар туралы қауесеттер мен жалған ақпарат таратады. Ең көп тарағаны - вакцинаның жанама әсерлері туралы, атап айтқанда бедеулік немесе екі жыл ішіндегі өлім.
Ал Пәкістанның вакцина алған тұрғындарына кинотеатрларға, мерекелік залдарға және храмдарға баруға рұқсат етіледі. Екпе салдырғандар саны 20 пайыздан асатын аудандарда кәсіпорындардың жұмысындағы шектеулер алып тасталады.
Бұған дейін Пәкістанда әлеуметтік желілер уақытша өшірілген болатын. Шектеулер YouTube видео хостингіне, Facebook және Twitter әлеуметтік желілеріне, сондай-ақ Telegram және WhatsАpp мессенджерлеріне әсер етті.
