Елдің премьер-министрі Михаил Мишустин Ресейде коронавирустың таралу динамикасы алаңдатарлық екенін айтты.
ERNUR.KZ. Ресей Федерациясында пандемияға байланысты барлық қоғамдық іс-шаралар тоқтатылды. Бұл туралы Роспотребнадзор басшысы Анна Попова мәлімдеді, деп жазады sputnik.kz.
"Іс-шараларға келер болсақ, олар ел бойынша тоқтатылды. Шаралар тек эпидемиологиялық ахуалға байланысты мемлекеттік бас санитар дәрігердің қаулысымен ғана өткізіледі- деп жазды РИА Новости.
Попованың айтуынша, бүгінгі күні Федерацияда үш мыңнан аса адам қатысатын шара өткізуге рұқсат берілген бірде-бір субъект жоқ.
Сонымен қатар елдің премьер-министрі Михаил Мишустин Ресейде коронавирустың таралу динамикасы алаңдатарлық екенін айтты.
"Соңғы күндері сырқаттану динамикасы көңіл көншітпейді. Науқастар саны Ресей Федерациясының көптеген аймағында артып келеді. Ауруханадағы науқастар саны өткен жылдың осы уақытымен салыстырғанда екі есе көп", - деді ол.
Ол үкімет денсаулық сақтау жүйесі тұрақты жұмыс істеуі және пациенттерге уақытылы көмек көрсетілуі үшін федералдық деңгейде қажетті шаралар қабылданатынын атап өтті.
