Швеция 2 жасқа толмаған балаларға телефон бермеуді ұсынды

Сингапурдың 8world ресурсының хабарлауынша, Швецияның денсаулық сақтау министрлігі 2 қыркүйекте денсаулық сақтаудың жаңа нормасын іске қосқан.

Ведомство екі жастан бес жасқа дейінгі балалардың ұялы телефон немесе теледидар экранын көруге жұмсайтын уақытын күніне бір сағаттан аз уақытқа шектеуді ұсынады.

Ал 6 мен 12 жас аралығындағы балаларға — екі сағат, 13 пен 18 жас аралығындағы жасөспірімдердікі — үш сағаттан аспауы керек.

Швеция денсаулық сақтау министрлігі тіпті 2 жасқа толмаған балалар мобильді ойындар мен видеолар сияқты цифрлық медиадан аулақ болуы керек деп мәлімдеді.

«Цифрлық өнімдер мен қосымшалар балаларымыздың күнделікті өміріне еніп кеткеніне тым ұзақ болды», — дейді Швецияның денсаулық сақтау және әлеуметтік істер министрі Якоб Форссмед.

Оның айтуынша, Швецияда 9 бен 12 жас аралығындағы жасөспірімдер сабақтан тыс уақытта күніне төрт сағатқа дейін, ал 17 мен 18 жас аралығындағы жастар жеті сағаттан астам уақытын экран алдында өткізеді.

Якоб Форссмед бұл балалардың уақыты мен энергиясын тауысып, дене мен ақылға пайдалы әрекеттерге кететін уақытты айтарлықтай қысқартады деп санайды.

БАҚ хабарлауынша, Швеция үкіметі бастауыш мектепте смартфонға тыйым салуды қарастырып жатыр.