​TikTok АҚШ-тағы қосымшалар дүкендерінде қайта пайда болды

0
340

Бұған дейін президент Трамп TikTok-қа тыйым салуды кейінге қалдырғанын жазған болатынбыз.


​TikTok АҚШ-тағы қосымшалар дүкендерінде қайта пайда болды

Фото: pixabay.com

ERNUR.KZ. Қытайлық TikTok қоcымшасы АҚШ-тағы пайдаланушылар үшін Apple Store және Google Play дүкендерінде қайта пайда болды, деп жазады inform.kz.

Бұған дейін президент Трамп TikTok-қа тыйым салуды кейінге қалдырғанын жазған болатынбыз.

Конгрессте екі жақты дауыс беру арқылы қабылданған заң жобасы TikTok-тың иесі қытайлық ByteDance-тен өз желісінің АҚШ-тағы бөлігін бейтарап компанияға сатуды талап етеді. Әйтпесе, TikTok-қа АҚШ-та толық тыйым салынады делінген.
АҚШ-та 170 млн-нан астам қолданушысы бар әлеуметтік желі қаңтар айында заңмен белгіленген мерзімге дейін АҚШ-та қысқа уақытқа өшірілді.
Содан кейін Дональд Трамп АҚШ-та TikTok-қа тыйым салуды талап ететін заңның орындалуын 75 күнге кейінге қалдыратын жарлыққа қол қойды.
TikTok-тың қосымшалар дүкендеріне қайтып оралғаны туралы алғаш рет хабарлаған Bloomberg агенттігінің мәліметінше, Apple мен Google Трамп әкімшілігінен бұл әрекеті үшін айыпталмайтыны туралы кепілдік алғаннан кейін оны қайтаруға шешім қабылдады.

Бұған дейін америкалық миллиардер TikTok-ты сатып алу ниеті туралы хабарды жоққа шығарды.