Украинадағы қақтығыстың шығынын НАТО мойнына алды – Трамп

0
81

Трамп АҚШ енді Украинаны қаржыландырмайтынын мәлімдеді.


Украинадағы қақтығыстың шығынын НАТО мойнына алды – Трамп

фото: Sputnik / Сергей Бобылев

ERNUR.KZ. АҚШ президенті Дональд Трамп Украинадағы қақтығыстың шығынын толығымен НАТО мойнына алғанын, ал Вашингтон тек қару-жарақ жеткізумен айналысатынын және соғысты тоқтатуға тырысатынын айтты, деп жазады sputnik.kz.

"Біз енді Украинаны қаржыландыруға қатыспаймыз, біз қақтығысты, адам өлімін тоқтатуға атсалысамыз. НАТО бүкіл қақтығысты қаржыландырады, біз ештеңені де қаржыландырмаймыз", - деді Трамп Ақ үйде өткен министрлер кабинетінің отырысында.

Оның айтуынша, АҚШ өзінің одақтастарына әскери техниканы "миллиондаған және миллиардтаған долларға" сатып жатыр, оның ішінде Patriot жүйелері бар, ал қорғаныс зауыттары өндіріс көлемін "екі және үш есе ұлғайтып" жатыр. Трамп америкалық өнім "әлемдегі ең үздік" болып қала береді және оларға еуропалық серіктестер басымдық береді деп санайды.

Ақ үй басшысы сонымен қатар АҚШ-тағы жұмысшылардың жалақысы соңғы 60 жылда рекордтық қарқынмен өсіп келе жатқанын, орташа өсім жылына 500 долларды құрағанын мәлімдеді. Ол мұны энергетика саласының жетістігімен байланыстырып, мұнай бағасының "барреліне 60 долларға таяп қалғанын" және азық-түлік өнімі арзандағанын атап өтті.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.