Ресей, АҚШ және Украина өкілдері қатысқан қауіпсіздік мәселелері бойынша үшжақты жұмыс тобының бірінші келіссөздері 23-24 қаңтарда Әбу-Дабиде өтті.
фото: РИА Новости
ERNUR.KZ. Владимир Зеленский украиналық келіссөздер тобы дүйсенбіде Әбу-Дабиге аттанатынын хабарлады, деп жазады sputnik.kz.
"Біздің келіссөздер тобының баяндамасы тыңдалды, үшжақты кездесу туралы келісімдер бар. Ол өткен жолғыдай сәрсенбі немесе бейсенбіде болады... Дүйсенбінің кешіне қарай топ келіссөздерге аттанады", - деді Зеленский өзінің Telegram арнасында жарияланған бейнежазбада.
The New York Times бұған дейін Ресей, АҚШ және Украина өкілдері арасындағы Украина қақтығысын шешу бойынша Әбу-Дабидегі келіссөздердің екінші кезеңі АҚШ-тағы ресейлік-америкалық кездесуден кейін бірнеше күнге кейінге қалдырылғанын хабарлаған болатын.
Бір күн бұрын Кирилл Дмитриев Майамиде АҚШ әкімшілігінің мүшелерімен келіссөздер жүргізді. Ол келіссөзді сындарлы және өнімді деп атады.
Ресей, АҚШ және Украина өкілдері қатысқан қауіпсіздік мәселелері бойынша үшжақты жұмыс тобының бірінші келіссөздері 23-24 қаңтарда Әбу-Дабиде өтті.
