Елші Розенблюм Қазақстандағы Өкілдіктің басшысы қызметін 2022 жылдың қарашасынан бері атқарды.
Фото: uz.usembassy.gov
ERNUR.KZ. АҚШ-тың Қазақстандағы елшісі Дэниел Розенблюм 26 қарашада Қазақстан үкіметіне АҚШ Мемлекеттік департаментіндегі 28 жылға жуық табысты мансабын 2025 жылдың 20 қаңтарында аяқтайтынын мәлімдеді, деп жазады inform.kz.
Елші Розенблюм Қазақстандағы Өкілдіктің басшысы қызметін 2022 жылдың қарашасынан бері атқарды. АҚШ-тың бес президенттік әкімшілігі мен сегіз мемлекеттік хатшы лауазымында қызмет еткен ол көрнекті мансабын аяқтау туралы шешім қабылдады. Ол Америка Құрама Штаттары мықты әрі дамып келе жатқан әріптестік қарым-қатынасын құрған ел – Қазақстанда АҚШ атынан өкілдік ету мүмкіндігіне ризашылығын білдірді.
Елші Розенблюмнің жетекшілігімен АҚШ пен Қазақстан арасындағы қарым-қатынас өркендеп, сауда мен инвестицияда, адамдар арасындағы қарым-қатынаста, университеттердегі серіктестікте және қауіпсіздік саласындағы ынтымақтастықта айтарлықтай жетістіктерге қол жеткізілді. Қазақстандағы АҚШ миссиясының арнайы командасымен тығыз жұмыс істей отырып, ол дипломатиялық байланыстарды нығайтты, өзара түсіністікті арттырды және екі елдің стратегиялық мүдделерін алға тартты.
«Мен үшін Қазақстандағы АҚШ елшісі қызметін атқару үлкен мәртебе болды. Әсіресе, қазақ халқын жақынырақ танып, елдің барлық аймағын аралап, оның қайталанбас тарихынан мол мағлұмат алғаныма қуаныштымын. Осында жұмыс істеу барысында менде Қазақстанның мәдениеті мен дәстүріне деген терең құрмет қалыптасты», - деді Елші Розенблюм.
![Еліміздің 4 жоғары оқу орнында](/assets/thumbnails/ae/aed10ba73d6ee6e6562fffb37c6e1919.jpg "Еліміздің 4 жоғары оқу орнында "Этносаяси сауаттылық" пәні енгізілді")
