Ақтауда ер адамның сатушы әйелді соғып жіберген видеосы тарады

0
138

Желі қолданушылары тек шабуыл жасаған ер адамның әрекетіне ғана емес, сонымен қатар жанында тұрған ер адамдардың ешқандай әрекет жасамағанына да наразы болды.


Ақтауда ер адамның сатушы әйелді соғып жіберген видеосы тарады

фото: видеодан скрин

ERNUR.KZ. Желіде ер адамның сатушы әйелді ұрған сәті түсірілген видео пайда болды. Оқиға куәгерлердің көз алдында болған. Жазба әлеуметтік желілерде жылдам таралып, қызу талқыға себеп болды, деп жазады tengrinews.kz.

Бейнебақылау камерасынан алынған кадрларда әйелдің кассада тұрып, ер адамға бір нәрсе түсіндіріп тұрғаны көрінеді. Бір сәтте ер адам ашуға булығып, сатушының бетінен жұдырықпен ұрады. Сатушы соққыдан теңселіп қалғаны байқалады. Әлеуметтік желідегі ақпаратқа сүйенсек, оқиға Ақтаудың 27-ықшамауданындағы дүкенде болған.


Желі қолданушылары тек шабуыл жасаған ер адамның әрекетіне ғана емес, сонымен қатар жанында тұрған ер адамдардың ешқандай әрекет жасамағанына да наразы болды.

Маңғыстау облыстық Полиция департаменті ер адам сағат он бірден кейін алкоголь сатып алуға тырысқанын түсіндірді. Бұл уақытта спиртті ішімдіктерді сатуға заңмен тыйым салынған. Ведомствоның мәліметінше, күдікті ұсталған.

"Күдікті ұсталды. Бұзақылық дерегі бойынша қылмыстық іс қозғалды", – делінген полиция хабарламасында.