​Ақтауда жылу желісінде болған апат кесірінен жасөспірім күйіп қалды

0
230

2014 жылғы баланың екі саны мен балтыр аяқ басы аймағын ІІ-ІІІ дәрежелі күйік шалған.


​Ақтауда жылу желісінде болған апат кесірінен жасөспірім күйіп қалды

Фото: Түркістан облысының әкімдігі

ERNUR.KZ. Оқиға 4-наурыз күні кешкісін 15 шағын аудан 13 үйдің жанында болған. Ескірген құбыр жарылып, ыстық су атқылап жатқан жерге 11 жастағы жеткіншек құлап, күйік шалған, деп жазады inform.kz.

Жасөспірім Маңғыстау облыстық көпбейінді балалар ауруханасына жеткізілген. Медициналық ұйымның баспасөз қызметінің мәліметінше, науқас жансақтау бөліміне жатқызылған.
"2014 жылғы баланың екі саны мен балтыр аяқ басы аймағын ІІ-ІІІ дәрежелі күйік шалған. Күйген жердің ауданы — 30%. Жасөспірімнің жағдайы алған күйік жарақатына байланысты ауыр. Есі анық, мазасыз. Реанимация бөлімінде емін алып жатыр. Қазіргі таңда жүрек соғысы, тыныс алуы бірқалыпты. Травматологтармен бірге қаралып, күйік жарасына хирургиялық өңдеу жасалды. Әзірге реанимация бөлімінде болады", — делінген хабарламада.
«Каспий жылу, су арнасы» мекемесі баспасөз қызметінің хабарлауынша, кәсіпорын мамандары жылу желісіндегі апатты кейін білген.
"Әрине, күні бойы су төгіліп, ешкім назар аудармайтын нәрсе болған жоқ. Белгі түскен бойда біздің мамандар барып, түні бойы зардаптарды жоюмен айналысты. Олар қоршау қойды. Таңғы сағат төртке дейін жұмыс істеді, қазір қазба жұмыстары жүргізіліп жатыр", — делінген хабарламада.