Олар Батыс Қазақстан медицина университетінің 4-курс студенттері екені белгілі болды.
ERNUR.KZ. Ақтөбе іргесіндегі Кирпичныйдағы саяжай аумағында екі қайғылы оқиға болды. Екі студент пен мектеп түлегі жергілікті Қарағала өзеніне батып кетті, - деп жазады Tengrinews.kz.
Бір топ студенттер демалу үшін өзенге барған. Арада біраз уақыт өткен соң екі жігіт суға батып кетті. Олардың бірінің мәйітін бірден табу мүмкін болмады.
Ақтөбе облысының төтенше жағдайлар департаменті бірінші жігіттің денесі 13:58-де судан шығарылғанымен, екіншісі табылмағанын хабарлады. Туыстары оны түнгі сағат 03:20-да судан алып шыққан.
Олар Батыс Қазақстан медицина университетінің 4-курс студенттері екені белгілі болды.
Рафхат Қайыржанов 18 мамырда 21 жасқа, ал досы Елназ Жолан 1 мамырда 21 жасқа толған. Рафхат Батыс Қазақстан облысынан, Елназ Ырғыз ауданынан оқуға келген. Университетте үш күндік қаралы күн жарияланды.
17 жастағы мектеп түлегі бір күн бұрын сол жерде суға батып кеткен.
