Ақтөбеде жолшылар 850 миллион жымқырған: КТП-ның экс-басшыларына іс қозғалды

ERNUR.KZ. Ақтөбеде "КТП" ЖШС-нің бұрынғы басшылары ақша жымқырды деген күдікке ілініп, сотталуда, деп жазады Stan.kz.

Жеке кәсіпкерлер жүздеген миллиондарды жымқырған, сонымен қатар олар компанияға тиесілі арнайы техниканы сатып, ақшаны қалталарына басып алды.

"КТП" ЖШС ұзақ жылдар бойы Ақтөбе қаласы мен облыстағы жолдарды жөндеумен айналысып, қыруар қарызға белшесінен батты. Нәтижесінде басшылық жаңадан "АвтолайнАқтөбе" серіктестігін құру туралы шешім қабылдады. Осылайша "КТП" ЖШС қаражатын, сонымен қатар аяқталған жол жөндеу жұмыстарына ақша алды. Әкімдік тарапы да, жергілікті тұрғындар да сапаға қатысты сын айтты.

Сондай-ақ, ЖШС қызметкерлері жалақының кешіктіріліп берілетініне шағымданды.

Тергеу КТП атқарушы директоры Николай Павлычев пен қаржы директоры Эмиль Әлихановтың "АвтолайнАқтөбе" шотынан 8 жеке кәсіпкердің шотына контрагенттер немесе КТП қызметкерлері орындады деген болжамды жұмыстар үшін 850 миллион теңге аударғанын көрсетті. Тергеушілердің айтуынша, Павлычев пен Әлиханов өз кәсіпорнының құрал-жабдықтарын 24 миллион теңгеге сатып жіберген. Десе де ақшаны кассаға салмай, өздеріне сақтады. Олармен бірге компанияның тағы үш қызметкері де қатысты, олар сыбайластық жасады деп айыпталуда.

2017 жылы компания Оңтүстік айналма жолды қайта жөндеуге мемлекеттік тапсырыс алып, оны бірде-бір рет аяқтамаған. Бір жыл бұрын "КТП" ЖШС-нің бұрынғы басшысы Ян Вишенин алаяқтық жасағаны үшін 6 жылға сотталды.

Сондай-ақ, сот оны мемлекетке 94 миллион теңгеден астам шығын өндіруге міндеттеді. Мемлекеттік бағдарлама бойынша жол құрылысына жауапты Дастан Аманов немқұрайлылығы үшін 2 жылға бас бостандығынан айырылғанымен, мерейтойлық рақымшылыққа іліккен.