Алматыда әлеуметтік маңызы бар өнімдердің бағасына бақылау күшейтілді

Жыл басынан бері әлеуметтік маңызды өнімдерге жоғары үстемеақы қосқаны үшін шамамен 400 алматылық кәсіпкерге айыппұл салынды.

Бұрын сатушылар бірінші рет заң бұзушылық жасағаны үшін ескерту алса, қазір оларға бірден айыппұл салынады. Бастапқы айыппұл 20 000 теңгені құрайды, қайталанған жағдайда бұл сомадан екі есе көп айыппұл төлейді. Орта және ірі бизнес субъектілері айтарлықтай айыппұл төлеуге мәжбүр.

"Әлеуметтік маңызды өнімдердің 19 түріне баға сәйкестік талап етіледі. Олар үшін сату кезінде сатып алу бағасының 15%-дан аспайтын соманы қосу талаптары бар", - деді Кәсіпкерлік және инвестиция басқармасы басшысының орынбасары Ерлан Омаров.

Баға мониторингі әлі жалғасып жатыр. Комиссия мамандары жыл соңына дейін қаладағы барлық 16 азық-түлік базарына баруды, сондай-ақ бөлшек сауда желілері мен шағын дүкендерді тексеруді жоспарлап отыр.