Алматыда сегіз автокөлік соқтығысты

ERNUR.KZ. Алматыда жаппай жол-көлік оқиғасы болды. Сайын мен Жандосов көшелерінің қиылысыда сегіз автокөлік соқтығысты, деп жазады Тengrinews.kz.

Куәгерлердің айтуынша, жол-көлік оқиғасы 21 қаңтарда таңғы уақытта болған. Mercedes GL автокөлік солтүстік бағытта кетіп бара жатқан. Алдын ала болжам бойынша, оның денсаулығы нашарлаған.

Соның салдарынан Mercedes бар жылдамдығымен Toyota Spacio көлігін соққан. Соққы салдарынан жапондық көлік Lada Largus көлігін соққан.

"Соққыдан кейін Mercedes бірден тоқтай қоймай, жолдардың қиылысына өтіп кетіп, Volkswagen Golf автокөлігіне соқтығысады. Volkswagen болса соққы салдарынан бағдаршамның жасыл түсін күтіп тұрған Kia, Mercedes және Toyota Camry маркалы авокөліктерін ұрады. Жаппай жол-көлік оқиғасы кезінде Kia Cerato апат болған жерде айналып өтпек болады, алайда Camry бамперін іліп кеткен", - дейді СТВ тілшісі.

Жол апаты саладрынан екі адам зардап шекті. Volkswagen жолаушысы мен Mercedes GL жүргізушісі ауруханаға жеткізілген.