Қазақсатнда вакцина жетіспеуі болмайды, деді министр.
ERNUR.KZ. Қазақстанда әрбір 20-сыншы адам коронавирусқа қарсы вакцина салдырды. Бұл туралы денсаулық сақтау министрі Алексей Цой айтты, деп жазады Tengrinews.kz.
"Бүгінде вакцинаның жеткізілуі бойынша Қазақстанның әрбір аймағы бойынша нақты кесте бар. Жақында Батыс Қазақстан облысына жеткізілді және әрбір екі күн сайын жаңа партия түседі. Сондықтан вакцина жетіспеуі болмайды. Бастысы - азаматтар вакцина қауіпсіз, тиімді екенін түсінді, олар антидене көбейгенін байқап, өздері де туыстарына вакцина салдыруды ұсынып жүр.
Жалпы түсінік үшін, әрбір 20-шы қазақстандық вакцина салдырған. Қарқын жақсы жүріп жатыр және біздің міндетіміз - мүмкіндік беру, содан кейін азаматтар таңдауды өздері жасайды, бұл оқшаулаудан шығуға жалғыз жол екенін түсінеді", - деді Алексей Цой.
