Денсаулық жағдайын тексеру және әскери қызметін өткеруге жарамдылық дәрежесін тексеру үшін әскерге шақырушылар аудандық және облыстық медициналық комиссиядан өтеді.
Әскерге шақырушыларды медициналық куәландыру нәтижесі бойынша әскерге шақыру комиссиясы әскерге шақыруды кейінге қалдыру немесе одан босату туралы шешім қабылдайды, деп хабарлайды ERNUR.KZ.
Бұл туралы ҚР Қарулы Күштері Бас штабы Ұйымдастыру-жұмылдыру жұмысы департаменті бастығының орынбасары Фархат Айдарбаев ОКҚ брифингінде айтты.
«Сонымен бірге аудандық әскерге шақыру комиссиясы азаматтарды мерзімді әскери қызметке шақыру және ҚР Қарулы күштері тиісті түрі мен басқа да әскери құрылымдарына тағайындау туралы шешім қабылдайды. Осыған байланысты басым түрде ауыл шаруашылығы, механикаландыру факультеттерін бітірген шақырушылар Құрлық әскерлеріне жіберіледі. Ал, математика, физика және инженерлік-экономика факультетерін бітірген жастар көбіне әуе қорғаныс күштері мен әскери-теңіз күштерін жасақтауға жолданады. Ал, десанттық шабуылдау әскерін жасақтау үшін әскерге іріктеу жалпы орта білімнен төмен емес білімі бар, дене бітімі жақсы азаматтар қатарынан жүзеге асырылады», – деді спикер.
Сонымен қатар Қорғаныс істері департаментінің психологы іріктеу барысында келесі ерекшеліктері бар әскерге шақырылушыларға ерекше назар аударады: ата-аналары мен жақын туыстарындағы психикалық ауру, жарақаттар, мидың жұқпалы аурулары, нейропсихиатриялық диспансерде бақылау, олардың пайда болу себептері мен себептері.
Облыстық жиналыс пунктінде медициналық куәландыру, отбасылық жағдайы мен моральдық-іскерлік қасиеттерін зерделеу, психологиялық зерделеу, есірткіге тестілеу нәтижелері бойынша әскерге шақырылушыларды шақыру комиссиясының шешімімен мерзімді әскери қызметке шақырады. Қорғаныс істері департаменті бастығының бұйрығы шығарылған күн мерзімді қызметтің басталуы болып саналады.
