Шамамен 600 мың тонна бензин қоры бар.
фото: Sputnik / Валерий Мельников
ERNUR.KZ. Энергетика вице-министрі Санжар Жаркешев алдағы уақытта бензин бағасы күрт қымбаттамайтынын мәлімдеді, деп жазады sputnik.kz.
Қазақстанда 1 сәуірден бастап АИ-92 бензині мен дизель бағасын ұстап тұрған мораторийдің мерзімі аяқталған болатын. Қазіргі кезде энергетика министрлігі бағаны реттеп отырған жоқ. Бәрі нарық жағдайында – сұраныс пен ұсынысқа қарай реттеліп жатыр.
"Баға өзгеріп жатқан жоқ. Біз оны байқап отырмыз. Сосын тапшылық жоқ. Шамамен 600 мың тонна бензин қоры бар. Ал тапшылық болмаса, жанар-жағармай бағасы көтерілмейді", - деді Жаркешев сенатта өткен брифингте.
Оның айтуынша, бензин бағасын бәсекелестікті қорғау агенттігінен бөлек аймақтық штабтар да бақылайды.
"Олар бағаның күрт өсіп кетуіне жол бермейді", - деп атап өтті вице-министр.
![](/assets/thumbnails/d0/d0d5a50a2f2b2c90b2c5266013ad08ff.jpg ""Көмектесіңіз мен оны танымаймын деп жылады": Алматы облысында бейтаныс ер адам кішкентай баланы ұрламақ болған")
