БҚО-да әйеліне әлімжеттік жасаған полицей қызметінен қуылды

ERNUR.KZ. БҚО-да әйеліне әлімжеттік жасаған полицей қызметінен қуылды, деп жазады ҚазАқпарат.

БҚО полиция департаментінің баспасөз қызметінен түскен мәліметке қарағанда, тәртіптік комиссия патрульдік полиция батальонының инспекторы, полиция аға лейтенанты Хайдар Жексеновті полиция қызметкері атағына кір келтірген деп тапты.

Сол үшін Х.Жексенов ішкі істер органынан шығарылды.

Қазіргі кезде әйелі Әсел Алқанованың арызы бойынша Х.Жексеновке қатысты ҚР ҚК 115-бабына (қорқыту) сәйкес тергеу амалдары жалғасуда.

Еске сала кетейік, бұдан бұрын БҚО-да әйеліне қол жұмсаған полиция қызметкеріне қатысты тергеу жүргізіліп жатқанын жазған болатынбыз.