Ол Қазақстандағы сапарының видеосын Instagram желісінде өзі жариялаған.
Фото: Видеодан скриншот
ERNUR.KZ. Өзбекстандық блогер Илхомжон Йолчиев Маңғыстау облысындағы Тұзбайыр тұзды алқабы аумағында жол талғамайтын көлікпен жүргені үшін Қазақстанда айыппұл арқалады, деп жазады inbusiness.kz.
Кадрларда автокөліктің Бозжыра шатқалы маңындағы табиғи аймаққа кіріп, суды кешіп шыр айналғаны анық көрінеді.
Аталған заңбұзушылықты полиция қызметкерлері әлеуметтік желілерді мониторингтеу барысында анықтады.
Маңғыстау облыстық полиция департаментінің мәліметінше, блогер әкімшілік жауапкершілікке тартылған. Оған "Абаттандыру қағидаларын бұзу" бабы бойынша хаттама толтырылып, 20 АЕК (86 500 теңге) көлемінде айыппұл салынды.
![](/assets/thumbnails/d0/d0d5a50a2f2b2c90b2c5266013ad08ff.jpg ""Көмектесіңіз мен оны танымаймын деп жылады": Алматы облысында бейтаныс ер адам кішкентай баланы ұрламақ болған")
