Елімізде тағы екі қала жаңажылдық отшашудан бас тартты

ERNUR.KZ. Еліміздің тағы екі қаласы жаңажылдық отшашудан бас тартты, деп жазады Tengrinews.kz.

Ақтауда Ынтымақ алаңы мен қалаға шыршалар орнатылғанымен, жаңа жыл мерекесіне арналған мәдени мерекелер өткізу жоспары жоқ екенін "Лада" басылымы жазды. Жаңажылдық отшашу да болмайды, өйткені оған қаражат бөлінбеген. Басылым өткен жылы да індетке байланысты жаңажылдық отшашу мен мерекелік концерттер тоқтатылғанын еске салады.

Атырау әкімдігі Atpress.kz тілшісіне коронавирусты алдын-алу мақсатында 31 желтоқсанда қалада мерекелік отшашулар ату жоспарланбаған. Әкімдіктегілер қаланы жаңа жылдық безендіруге ақша бөлмейтіндерін айтты. Бюджет қаражатын үнемдеу мақсатында Атырауды былтырғы жасанды шыршалармен безендіреді.