Еліміздің үш облысында өзен суларының деңгейі көтерілуі мүмкін

ERNUR.KZ. Синоптиктер Қазақстанның үш өңірінде өзен суларының көтерілу қауіпінің барын болжады, деп жазады Zakon.kz.

"18-20 наурыз аралығында күн райының жылуына байланысты Шығыс-Қазақстан, Ақтөбе және Қостанай облыстарында қар еріп, мұздық қабаттар сөгіліп, өзендерде су деңгейлерінің көтерілуі күтіледі, - делінген хабарламада.

Сонымен қатар 18 наурыз күні еліміздің батысы мен шығысында атмосфералық ағымдардың өтуіне байланысты ауа-райы тұрақсыз болады, кей жерлерде жауын-шашын түседі. Республиканың қалған аумағында ауа райы жауын-шашынсыз болады. Кей жерлерінде тұман, көктайғақ болады, жел күшейюі мүмкін екендігі де болжанып отыр.