Ержан Максим Дубайда өткен халықаралық байқаудың бас жүлдесін жеңіп алды

10.01.2025 15:05

Бұл қуанышымен ол Instagram әлеуметтік желісіндегі парақшасында көпшілікпен бөлісті.

Фото: Ержан Максимнің Instagram парақшасынан.

ERNUR.KZ. Қазақстандық жас әнші Ержан Максим Дубайда өткен халықаралық беделді SANREMO BEST SONG 2025 байқауының бас жүлдесін жеңіп алды, деп жазады inbusiness.kz.

"SANREMO BEST SONG 2025 DUBAI халықаралық әншілер конкурсын бағындыру бұйырған екен, қадірменді ағайын! Ендеше ерекше сезіммен барлық менің өнерімді бағалап, осы күнге дейін мені қолдап жүретін қазақ еліме басымды иемін. Бірақ осы жолы бесіктен осы күнге дейін мәпелеп өсірген, өнеріме бар өмірін арнаған анам мен әкешіме де арнағым келеді. Тума-туыс пен жақындарыма, ұстаздарым мен достарыма және барлық қолдау білдірген жан ағаларыма алғысым шексіз. Жеңісті күндеріміз көп, болашағымыз жарқын болсын!" – деп жазды әнші.