Қазақстан мобильді интернеттің жылдамдығы бойынша 103-орынды иеленді

ERNUR.KZ. Жоғары жылдамдықтағы интернет экономикасы қуатты мемлекеттер үшін өте маңызды: бүгіндері COVID-19 дәуірінде дәл осы фактор адамдардың жұмыс істеуіне, бизнес жүргізуіне және байланысты тиімді қолдануына мүмкіндік береді, деп жазады zakon.kz.

2021 жылы қаңтарда мобильді интернеттің жылдамдығы бойынша әлем елдерінің жаһандық рейтингінде БАӘ І-орынды иеленді: мұндағы Интернеттің жылдамдығы секундына 183,03 мегабитті құрады. ТОП бестікке Оңтүстік Корея, Катар, Қытай және Сауд Арабиясы кіреді.

Қазақстан өз кезегінде өз позициясын үш жолаққа жақсарта отырып, әлемде 103 орынға ие болды. Еліміз рейтингтегі өсу деңгейі бойынша ТОП-25 мемлекеттің қатарына енді. Қазақстанда мобильді интернеттің жылдамдығы бір жыл ішінде 6,6% өсіп, секундына 20,15 мегабитке дейін артты. Қазір Қазақстан, Қырғызстанмен бірге Интернет жылдамдығы бойынша Орталық Азия елдері арасында көшбасшы болып табылады.

Одан бөлек айта кететін жайт: пайдаланылған трафиктің өсуі аясында Қазақстанда Интернет жылдамырақ болып келеді, яғни жүктеме артқанымен жылдамдық өсуде. Пайдаланылған трафик, өз кезегінде, қазақстандықтардың көпшілігінің қашықтықтан жұмыс істеу форматына көшу, қашықтықтан оқыту, видео-контентті тұтынудың едәуір артуы және т.б. есебінен өсуде.