Гибридті автокөлік және электромобиль жүргізушілері сақтандыру полисі үшін көбірек төлеуге мәжбүр болады.
Фото: freepik.com
ERNUR.KZ. Қазақстанда гибридті автокөліктер мен электромобильдерді сақтандыру құны іштен жанатын қозғалтқыш орнатылған автомобильдерге қарағанда 10-35 пайызға қымбат болуы мүмкін, деп жазады azattyq-ruhy.kz.
«Бұл олардың қосалқы бөліктерінің, әсіресе аккумулятор батареяларының қымбат болуымен байланысты», - делінген агенттік хабарламасында.
Ведомство жоғары мөлшерлеме жиі ұрланатын немесе жөндеу құны жоғары модельдерге де қатысты болуы мүмкін екенін атап өтті.
Полис бағасына иесі сақтандыратын тәуекелдердің тізімі, қосымша опциялар – мысалы, эвакуатор немесе уәкілетті органдардың анықтамасынсыз төлем жасау, сондай-ақ жүргізушінің жасы мен тәжірибесі әсер етеді.
