Қазақстанда медицина қызметкерлеріне біліктілік санаттарын беру қағидасы өзгерді

02.04.2025 18:46

422

Медицина қызметкерлері осы бұйрық күшіне енген күннен бастап 10 күн өткен соң біліктілік деңгейін растау рәсімінен өте алады.

Фото: Денсаулық сақтау министрлігі

ERNUR.KZ. ҚР Денсаулық сақтау министрлігі біліктілік санаттарын беру рәсімін қайта қарау туралы бұйрықтарға өзгерістер әзірлеп, қабылдады, деп жазады inform.kz.

Осы өзгерістерге сәйкес:

2021 жылғы 1 қаңтардан кейін өткен санат мерзімдері бар;

мерзімсіз санатты қайта ресімдейтін;

қолданыстағы біліктілік деңгейін растайтын медицина қызметкерлерінің санаттары білімді бағалау және кейс-тест кезеңдерінен өтуден босатылады.

Бұдан басқа, «Мейіргер ісі» мамандығы бойынша орта білімнен кейінгі немесе жоғары медициналық білім алған техникалық және кәсіптік білімі бар медицина қызметкерлері үшін бұрынғы жұмыс өтілі ескеріле отырып, баламалы біліктілік санатындағы біліктілік деңгейі сақталады.

- Бұрын медицина қызметкерлерінің көптеген өтініштерін ескере отырып, дәрігерлерге қаржылық жүктемені азайту үшін емтиханды бірінші рет қайта тапсыру кезінде, қанағаттанарлықсыз нәтижемен төлемнен босату туралы шешім қабылданды. Мейіргерлер үшін бағалау құны 21 000 теңгеден 17 000 теңгеге дейін төмендетілді, - деп жазды министрліктен.