Денсаулық сақтау министрі халыққа есеп беру кездесуінде аталған мәселеге тоқталды.
ERNUR.KZ. Денсаулық сақтау министрі Алексей Цой коронавирусқа қарсы вакцинацияның қазақстандық паспорты басқа елдерде жарамды ма жауап берді, деп жазады Tengrinews.kz.
"Қазақстандық COVID-паспорты шетелде жарамды ма?"- деп халыққа есеп беру кездесуінде тұрғындар Цойға сұрақ қойды.
"Бұл мәселе қазір талқыланып жатыр, соның ішінде шетелде де. Қазіргі уақытта әлемде қозғалысты шектеу бойынша нақты белгіленген нормативтік құжаттар жоқ. Бұл мәселе қазір қаралып жатыр", - деп жауап берді министр халыққа есеп беру кездесуінде.
Сонымен қатар, ол Қазақстан жеке ақпараттық жүйе дайындағанын айтты. Онда әрбір адам вакцинаның екі дозасын алғаннан кейін жеке паспорт алады.
"Негізінде, егер халықаралық заңнама өзгертілсе, біз әрқашан интеграцияға дайынбыз және ақпараттық жүйелеріміз басқа халықаралық жүйемен интеграцияға дайын. Қазіргі уақытта мұндай талаптар жоқ", - деді Цой
