Қазақстанда коронавирусқа қарсы Pfizer вакцинасын 12 жастағы және одан ересек жасөспірімдер, жүкті әйелдер, бала емізетін әйелдер салдыра алады.
ERNUR.KZ. Келесі аптада Қазақстанға Pfizer вакцинасы жеткізіледі. Бұл туралы денсаулық сақтау бірінші вице-министрі Марат Шоранов мәлімдеді, деп жазады sputnik.kz.
"Осы жылдың 8 мен 14 қарашасы аралығында Pfizer вакцинасы жеткізіледі деп күтілуде. Көлемі – бұған дейін жарияланған келісімшарттағы міндеттемелерге сәйкес келеді. Бұл 2 миллион адамға 4 миллион вакцина", - деді Шоранов үкімет кулуарында журналистердің сұрағына жауап беріп.
Вице-министр қазір өңірлермен тиісті жұмыс жүргізіліп жатқанын атап өтті. Басқа вакциналар сияқты, Pfizer әр өңірге халық санына қарай бөлінеді.
Қазақстанда коронавирусқа қарсы Pfizer вакцинасын 12 жастағы және одан ересек жасөспірімдер, жүкті әйелдер, бала емізетін әйелдер салдыра алады.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
