Қазақстанның алтын қоры өсті

ERNUR.KZ. Қазақстанның алтын қоры 355 тоннадан асты, деп жазады azattyq-ruhy.kz.

LS басылымының жазуынша Дүниежүзілік Алтын кеңесінің мәліметі бойынша, наурыз айында елдің қымбат металл қоры 3,9 тоннаға толды. Ал бір ай бұрын оның көлемі 351,7 тонна болатын.

Қазақстан елдер бөлінісінде 15-орында (Халықаралық валюта қоры мен Еуропалық орталық банкті есепке алмағанда) тұр. Дәл осы көрсеткіш бойынша Португалия (382,6 тонна) мен Сауд Арабиясы (323,1 тонна) елдерінің арасында орналасқан.

Дәстүрлі түрде АҚШ (8,1 мың тонна), Германия (3,3 мың тонна), Италия (2,45 мың тонна), Франция (2,43 мың тонна) және Ресей (2,2 мың тонна) көшбасшы болып саналады.

Ұлттық банктің сайтында бір грамм алтынның құны 25 мың теңгеден асады.