Пакет 2026 жылғы 1 наурыздан бастап аталған елдерде жүрген абоненттерге автоматты түрде қосылады.
көрнекілік сурет: tengrinews.kz
Таяу Шығыста орын алған жағдайға байланысты «Кселл» АҚ (Kcell және activ брендтері) Иран, Иордания, Біріккен Араб Әмірліктері, Сауд Арабиясы, Катар, Кувейт, Ливан, Бахрейн және Израиль аумақтарында жүрген абоненттеріне тегін роуминг-пакет ұсынады.
«Біз қиын жағдайда клиенттерімізді байланыссыз қалдыруға болмайды деп есептейміз. Байланыссыз қалу қаупі туындаған сәтте абоненттеріміздің жақындарымен хабарласа алуын қамтамасыз ету — біздің басты міндетіміз. Сондықтан дәл қазір хабар алысу үшін қосымша байланыс пакетін ұсынып отырмыз», — деп атап өтті «Кселл» АҚ басқарма төрағасы Асқар Жамбакин.
Пакет аясында абоненттерге автоматты түрде 1 ГБ интернет-трафик және кіріс қоңырауларға, Қазақстанға қоңырауларға, сондай-ақ сол елдің ішіндегі қоңырауларға 10 минут беріледі. Пакеттің қолданылу мерзімі есептелген сәттен бастап 7 күнтізбелік күн. Бонус ретінде берілген трафик пен минуттар бұрын қосылған роуминг-пакеттер болған жағдайдың өзінде басым тәртіппен пайдаланылады. Пакет 2026 жылғы 1 наурыздан бастап аталған елдерде жүрген абоненттерге автоматты түрде қосылады.
«Кселл» АҚ жағдайды мұқият бақылауды жалғастырып, қажет болған жағдайда абоненттерінің үздіксіз байланысын қамтамасыз ету мақсатында қосымша қолдау шараларын қабылдауға дайын.
Анықтама үшін:
Kcell - цифрлық телекоммуникациялық қызметтерді: мобильді байланыс пен орнықты байланыстың (FMC) конвергенттік қызметтерін, деректерді беру және интернетке қол жеткізуді, қаржылық сервистерді, цифрлық сервистер мен мобильді қосымшаларды, жүйелік интеграцияны, заттардың интернетін, машинааралық өзара іс-қимылды (machinetomachine), үлкен деректерді жинау және өңдеу және бұлттық есептеулер саласындағы АТ-шешімдерді ұсынатын қазақстандық оператор. Смартфон + тариф сервисін ұсыну бойынша Қазақстандағы көшбасшы оператор. Kcell мобильді қаржы қызметтері, мобильді теледидар, онлайн фильмдер, музыка, кітаптар мен журналдар сияқты қосымша қызметтердің арқасында, сондай-ақ корпоративтік клиенттер үшін бірегей бизнес-шешімдер әзірлеудің арқасында бәсекелестік артықшылығы бар Қазақстанның ірі цифрлық экожүйесіне айналды. Kcell сатылас, инфрақұрылымдық шешімдер стратегиясын іске асыру, инновациялық технологияларды дамыту және енгізу есебінен В2В нарығында жетекші орынға ие. 5G желісімен қамту саласы Қазақстан Республикасы халқының 48,84% -ын қамтиды және қызметтердің жоғары сапасын қамтамасыз етеді. Kcell клиенттерге қызмет көрсетудің жоғары сапасының арқасында жоғары бәсекелі телекоммуникациялық нарықтарда өзін жақсы көрсеткен Kcell және activ брендтерімен ұсынылған. Нақты мультибрендті сәулеттің арқасында Kcell топтамалық қызметтерге қатысты оңтайлы баға белгілеу, клиенттік базаның табыстылығын және желі сапасын басқару есебінен В2С сегментіндегі бизнестің тиімділігін арттыруда.
