Марқұмның прокуратура органдарында қызмет еткеніне 4 жыл болған.
ERNUR.KZ. Қостанайда қалалық прокуратураның қоғамдық мүдделерді қорғау бөлімінің аға прокуроры асылып қалды, деп жазады Zakon.kz.
Қостанай облысы прокуратурасының баспасөз қызметі оқиға 5 мамыр күні болғанын мәлімдеді.
"5 мамырда сағат 11.30 шамасында Қостанай ауданының аумағындағы орман алқабында Қостанай қаласы прокуратурасы Қоғамдық мүдделерді қорғау бөлімінің аға прокурорының ағашқа асылған күйдегі мәйіті табылды. Өзіне-өзі қол жұмсау фактісі Сотқа дейінгі тергеп-тексерулердің бірыңғай тізілімінде тіркелді және мүдделілікті болдырмау мақсатында сотқа дейінгі тергеп-тексеруді жүргізу Қостанай ауданының полиция бөліміне тапсырылды", - деп жазылған Қостанай облысының прокуратурасының баспасөз қызметі мәліметінде.
Ведомство өкілі оқиғаның себебі анықталып жатқанын айтты.
Прокуратураның мәлімдеуінше, марқұмның прокуратура органдарында қызмет еткеніне 4 жыл болған. Оның артында жұбайы мен қызы қалды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
