Қылмыскерлер өз кірісін заңдастыру үшін 6,2 мың "дроп-карта" пайдаланған

Былтыр қылмыскерлер өз кірісін заңдастыру үшін жеке тұлғаларды белсенді пайдаланған.

"Қылмыскерлер кірісін заңдастыру мақсатында 6,2 мың "дроп-картаны" пайдаланғаны анықталды. Бұл карталар арқылы айналымның жалпы сомасы 24 миллиард теңгеге жетті", - деп жазды ведомство.

Интернет-банкингке қашықтан қол жеткізу мақсатында кәсіби жылыстаушылар үшінші тұлғаларға тіркелген байланыс операторларының SIM карталарын пайдаланған.

"Көбінесе "дроп-карталар" есірткі саудасы, кибералаяқтық, заңсыз құмар ойындар және басқа да қылмыстық әрекеттерге байланысты схемаларда қолданылған. Көбіне халықтың осал топтарына жататын жұмыссыздар, студенттер, зейнеткерлер және басқалар дроппер болған. Олар қылмыстық схемалардың салдары қандай болатынын түсінбейді", - деп жазды агенттік.

Мұндай карта иелерінің 90%-тен астамы резидент емес тұлғалар болған. Олар туралы ақпарат шет мемлекеттердің құқық қорғау органдарына берілді.

Айта кетейік, "дроппер" – бұл банктік карталар мен шоттарды рәсімдеу үшін қолданылатын жалған тұлғалар.