Мектептердегі тамақтанудың жаңа стандарты балалар семіздігін 10-15%-ға азайтады

Белгілі болағандай, санитариялық-эпидемиологиялық бақылау комитеті үлгілік мәзірдің 3 нұсқасын әзірлеп, оларды өңірлік денсаулық сақтау басқармаларына жіберді.

"Жергілікті жерлерде ата-аналардан, балалардан және педагогикалық қоғамдастықтан негізделген тілектер болған жағдайда ұсынылған түрдегі немесе өзгерістер енгізе отырып перспективалық мәзір бекітілуі мүмкін", - деді бірінші вице-министр Тимур Сұлтанғазиев.

Жаңа стандарт семіздік, қант диабеті, жүрек-қан тамырлары және басқа да созылмалы аурулардың даму қаупін азайту мақсатында қант пен тұзды тұтынуды азайтуды қоса алғанда, оқушылардың диетасын жақсартуға бағытталған.

Ведомство хабарлауынша, дұрыс тамақтану саласындағы сарапшылардың бағалауы бойынша стандарт талаптарын қатаң сақтау балалардың семіздігін 10-15%-ға, 2 типті қант диабетін 10-20%-ға, артериялық гипертензияны 8-18%-ға және басқа созылмалы ауруларды 5-15%-ға төмендетуге ықпал етеді.

Бұл ретте балалардың жаңартылған рационында көкөністерді, жемістерді, тұтас дәнді дақылдарды, ақуыздарды және сүт өнімдерін көбірек қосу көзделеді.