​Сауд Арабиясы коланың балама түрін жасап шығарды

0
255

Эр-Риядтағы құрма фестивалінде Milaf Cola-ның ресми тұсаукесері өткен.


​Сауд Арабиясы коланың балама түрін жасап шығарды

Фото: UzA

ERNUR.KZ. Сауд Арабиясы дәстүрлі газдалған сусындарға жаңа балама – құрамында қанты жоқ Milaf Cola өнімін ұсынды. Бұл өнім елдегі дамып келе жатқан тамақ өнеркәсібін қолдауға және жергілікті және экспорттық өнімдердің түрлерін кеңейтуге арналған, деп жазады inform.kz.

АЗЕРТАДЖ-дың хабарлауынша, Эр-Риядтағы құрма фестивалінде Milaf Cola-ның ресми тұсаукесері өткен. Сусынды Сауд Арабиясының жеке инвестициялық қорының (PIF) еншілес ұйымы Thurath Al Madina ұсынған. Компания Milaf Cola-ны ішкі және халықаралық нарыққа шығаруды көздеп отыр.

Thurath Al Madina бас директоры Бандар әл-Кахтани болашақта құрманы әлемдік нарықта құнарлылығы жоғары өнім ретінде ілгерілету үшін Қоршаған орта, су және ауыл шаруашылығы министрлігімен бірлесе жұмыс істейтін жоспарлары бар екенін мәлімдеді.

Елдің құрма өндірісі жылына 1,6 миллион тоннаны құрайды. Бұл ішкі қажеттіліктерден асып түседі.
- Milaf Cola сергітетін сусын ғана емес, сонымен қатар Сауд Арабиясының ауыл шаруашылығы экономикасын дамытуға және құрманы пайдалы өнім ретінде насихаттауға ықпалын тигізеді, - делінген хабарда.