Шахтинск қаласының ЖЭО жанында қамыс пен құрғақ шөп өртеніп жатыр.
ERNUR.KZ. Шахтинск қаласының ЖЭО жанында қамыс пен құрғақ шөп өртеніп жатыр, деп жазады sputnik.kz.
Өрт туралы хабарлама сағат 11.000 шамасында түскен. Өрттің жалпы ауданы 4 гектар, деп хабарлайды Қарағанды облыстық төтенше жағдайлар департаменті.
"Жақын орналасқан қосалқы станция мен ЖЭО аумағына қауіп төнді. Жоғары температурадан электр желілерінің металл тірегі зақымдалған. Нәтижесінде электр қуат ажыратылды. Өрт 13-55-те ауыздықталды. Қаза болғандар мен зардап шеккендер жоқ. Өрттің алдын ала себебі анықталуда", - делінген хабарламада.
Өртті сөндіруге 48 адам және 16 техника жұмыс істеді.
