Жыл сайын тек сырттан жұқтырып әкелгендер болады.
Жыл сайын жаз кезеңінде республикада халық арасында сібір жарасының спорадикалық жағдайлары тіркеледі. Алайда биылғы 6 айда мұндай деректер болған жоқ. Негізінен адамдар сібір жарасын ветеринариялық куәландырусыз ауру ауыл шаруашылығы жануарларын мәжбүрлі түрде сойып, мүшелеген кезде жұқтырады, деп хабарлайды ERNUR.KZ.
Бұл туралы ОКҚ брифингінде ҚР Денсаулық сақтау министрлігі Санитарлық-эпидемиологиялық бақылау комитеті төрағасының орынбасары Зәуре Ахметова мәлімдеді.
Сарапшы ет пен ет өнімдерін санкцияланған сауда орындарынан сатып алуға; тамақ дайындау кезінде шикі еттің дәмін татпауға, ет пен ет өнімдерін мұқият қайнатуға және қуыруға; жоғары температура, терінің қызаруы, ауру жануарлармен байланыста болғаннан кейін жаралар пайда болған кезде шұғыл медициналық көмекке жүгінуге; жануарларды союды алдын ала ветеринарлық тексеруден кейін жүргізу; үй жануарларына профилактикалық вакцинация жүргізуге кеңес берді.
Соңғы 10 жыл ішінде республикада тырысқақтың жергілікті жағдайлары тіркелген жоқ. Жыл сайын тырысқақтың тек сырттан әкелінетін жағдайлары тіркеледі. Биыл Ресей Федерациясы мен Қырғызстан азаматтары арасында Үндістаннан әкелінген тырысқақтың 3 жағдайы тіркелді. Эпидемияға қарсы және профилактикалық іс-шаралар жүргізілді. Науқастармен байланысқан 594 адам зертханалық тексеруден өтті, 114 жақын адам антибиотик ішті. Байланыста болғандар арасында ауру тіркелмеген.
«Тырысқақ эндемиясы бар елдерге шыққан кезде азаматтар жеке гигиена ережелерін сақтауға, бөтелкедегі суды ішу үшін пайдалануға, денсаулық жағдайы нашарлаған жағдайда дәрігерден көмек сұрауға міндетті», - деп атап өтті спикер.
