Сотталғандарды азаптады деп айыпталып, артынша ақталған колонияның 12 қызметкерінің "ақтау" үкімі жойылды

11.04.2025 16:10

255

2025 жылдың ақпанында алқабилердің үкімімен сотталушылар кінәсіз деп танылып, қылмыс оқиғасының болмағаны үшін ақталды.

Фото: Zakon.kz

ERNUR.KZ. Ақмола облыстық сотының қылмыстық істер жөніндегі сот алқасының қаулысымен Атбасар ауданының Қылмыстық атқару жүйесі комитетінің (ҚАЖК) 12 қызметкеріне қатысты қылмыстық іс бойынша сот үкімінің күші жойылды, деп жазады zakon.kz.

Сот қылмыстық қудалау органымен ҚАЖК қызметкерлері Атбасар қаласының түзеу мекемесінде жазасын өтеп жатқан сотталған адамдарға әсер етудің рұқсат етілмеген әдістерін қолданды деп айыпталғанын еске салды.

Үкімге Ақмола облысының прокуратурасы наразылық білдірді. Ал жоғары сатыдағы сот бірінші сатыдағы соттың шешімін жойды.

"Алқабилер алқасының шешімімен ҚАЖК қызметкерлері кінәсіз деп танылып, қылмыс оқиғасының болмауынан ақталды. Үкімнің күшін жоюға бірінші сатыдағы сотымен жіберілген процестік бұзушылықтар негіз болды: Алқабилердің қатысуымен талқылауға жатпайтын мәселелер зерттелген. Бұл олардың жәбірленушілерге қатысты дұрыс емес пікірін тудыруға ықпал ету мүмкін. Сонымен қатар, бірқатар жәбірленушілерге жарыссөздерде сөз сөйлеу қамтамасыз етілмеген",- делінген ақпаратта.

Іс қылмыстық істер жөніндегі мамандандырылан ауданарлық сотына басқа құраммен жаңадан қаралуына жолданды.