Су тасқынынан зардап шеккен 504 отбасы біржолғы төлем алды

11.04.2024 09:51

280

Бүгінгі күнге барлығы 1026 өтінім қабылданып, жалпы сомасы 162,7 миллион теңгеден асатын 504 отбасыға төлем жасалды.

ERNUR.KZ. Мемлекет басшысы Қасым-Жомарт Тоқаевтың тапсырмасына сәйкес, Ақтөбе облысында су тасқынынан зардап шеккен азаматтарға қажетті көмек көрсету үшін барлық шаралар қабылдануда, деп жазады inbusiness.kz.

Оның ішінде, біржолғы әлеуметтік төлемдер жүргізу белсенді түрде жалғасуда. Азаматтарға төлем алу үшін тұрғылықты жері бойынша жұмыспен қамту бөлімдеріне жүгіну қажет. Ақтөбе және Әйтеке би ауданының тұрғындары үшін төлем мөлшері 300 мың теңгені құрайды. Қалған аудандардың тұрғындары үшін - 100 АЕК (369 200 теңге).