​Тәуелсіздік күні қарсаңында атыраулық бүлдіршіндерге жаңа балабақша сыйға тартылды

ERNUR.KZ. Атырау қаласында Тәуелсіздік күні мерекесінің қарсаңында жаңа балабақша ашылды. 290 орынға арналған мектепке дейінгі білім беру мекемесі демеушілердің қаражатына салынған, деп жазады ҚазАқпарат қала әкімдігінің баспасөз қызметіне сілтеме жасап.

Қаланың Самал шағынауданында орналасқан балабақшаның құрылысы Атырау облысы әкімдігі мен «КТК-К» АҚ компаниясының арасында қол қойылған келісім аясында жүргізілген. Нысанның жалпы ауданы 2 мың шаршы метрден асады.

«Бүгінде Самал шағынауданында 2,5 мыңға жуық адам тұрып жатыр. Жаңа балабақша жергілікті тұрғындар үшін нағыз сыйлық болды. Қазіргі кезде мұнда 900 орынға арналған орта мектептің құрылысы жүргізілуде», - деп баяндады Атырау қалалық білім беру бөлімінің бастығы Фаруза Шаңгереева.