23 наурызда полициядан қашқан көлік апатқа ұшырап, үш адам қаза тапты, деп жазадыZakon.kz.
Полицейлер Toyota Land Cruiser көлігінің ізіне түскен, оның жүргізушісі "тоқта" деген заңды талаптарға бағынбай, ары қарай жүйіткіген.
Полицейлердің айтуынша, өздерінен қашқан шетелдік көліктің жүргізушісі басқа көлікті сырып өтсе де тоқтамаған. Осыдан кейін олар қашқын көліктің соңына дейін ізіне түсу туралы шешім қабылдап, оның барысында оқ атқан.
Ақмола облыстық полиция департаменті бұл шешім "Құқық қорғау қызметі туралы" ҚР Заңының 59 және 61-баптарында қарастырылғанын нақтылайды.
Кейін "Заводская - Өндірістік аймақ" тас жолында Toyota Land Cruiser Audi B4-пен бетпе-бет соқтығысқан. Audi B4-тің жүргізуші мен екі жолаушысы апат салдарынан оқиға орнында қаза тапты.
"Тергеу аясында сот-медициналық сараптама тағайындалды. Toyota Land Cruiser автокөлігінің жүргізушісі ұсталып, уақытша ұстау изоляторына қамалды", - делінген полиция хабарламасында.
![](/assets/thumbnails/68/68d32d799d930656aa7fae574e548b53.jpg ""Анам баласының өліміне менің күйеуім кінәлі деп ойлайды"")
![](/assets/thumbnails/0e/0eaf9c5d34c5fa849336450ef701e643.jpg ""Күйеуімнің иісі ұнамайды": жас келіншек кімге шағарын білмей жүр")
