Алматы-Өскемен тасжолының 239-шақырымында Toyota Camry және Камаз соқтығысты.
Фото: Жетісу облысы ПД
ERNUR.KZ. Жетісу облысында жеңіл көлік жүк көлігімен соқтығысты. Жол апатынан үш адам қаза тапты, деп жазады tengrinews.kz.
ЖКО Көксу ауданындағы Алматы-Өскемен тасжолының 239-шақырымында Toyota Camry және Камаз соқтығысты. Өңірдің полициясы мәліметінше, жеңіл көлік жүк көлігінің артына соқтығысқан. Апат кезінде үш адам қаза тауып, біреуі ауыр жарақат алған.
"Апат салдарынан Toyota көлігінің жүргізушісі мен екі жолаушы оқиға орнында қаза болды. Тағы бір жолаушы аудандық ауруханаға жеткізілді. ЖКО дерегі бойынша қылмыстық іс қозғалды, барлық мән-жайды анықтау үшін тергеу жүргізіліп жатыр", - деп хабарлады облыс ПД баспасөз қызметі.
