«Есеңгіреп, өз-өзіме әрең келдім»: Қарақат Әбілдина анасының қазасы жайлы айтып берді

17.05.2024 23:11

10 529

«Балаларымыз біліп жүрсін дедік»

Танымал әнші Қарақат Әбілдина отбасымен туған жеріне арнайы барып, марқұм анасының рухына Құран бағыштап қайтты. Әншінің анасы осыдан төрт жыл бұрын дүние салған.

«2020-жылдың 15-мамырында Аяланың туған күнінде анашым ауылдан видео қоңыраумен шығып, құттықтады. Барлығымызбен жеке-жеке сөйлесіп, мәре-сәре болдық. Індет уақыты, карантин кезі еді. «Әттең мына жодың жабығы-ай, әйтпесе келер едім, ботам» деп жақсы сөздерін айтқаны – батасын беріп, қоштасқаны екен ғой. Кім білген...

Аяланың туған күнінен бір күннен соң, 17-мамыр өмірден өзі де өте шықты. Айзада қызыма аяғым ауыр, анамның қазасы қатты ауыр тиді. Есеңгіреп, өз-өзіме келуім қиын болған. Оған да, міне, 4 жыл өте шығыпты. «Уақыт- емші» дейді ғой, негізі уақыт емдемейді, тек біз сол қайғымен өмір сүруге үйреніп кетеміз», - деді Қарақат Әбілдина.

Өнер иесі өзі туып-өскен шаңырақта құрбандық шалып, туған-туыстың басып қосып, ас берді.

«Ендігі қолдан келетіні – Құран бағыштау. Көз көргендерін жинап, жақсылығын еске алудан басқа не бар? Бүгін, міне, құрбандық шалып, Құран оқыттық. Балаларды да ерте бардық. Бәрін көзбен көріп, олар да қайтқан соң ата-анаға дұға керек екенін ұқсын дедік. Сол, жақсыларым, әке-шешенің көзі тірі болса, жылы сөзді аямай, бағалап, батасын алғайсыз», - деді Қарақат әнші.