Шалғай ауылдан шыққан әлемнің ҮЗДІК ҰСТАЗЫ

Питер Табичидің "Жыл адамы" статуэткасын алу сәтінен

фото: diocesisdevillarrica.cl

Білім беру – жүректен ғана шығатын шынайы еңбекті талап ететін жұмыс. Әлемнің әр түкпірінде өз мамандығына адал, жүрегімен жұмыс істейтін ұстаздар бар. Солардың бірі – Кенияның шалғай ауылында жұмыс істейтін қарапайым мұғалім Питер Табичи. Оның оқиғасы қиындықтарға қарамастан, білімнің адам өмірін өзгертуге қабілетті күш екенін дәлелдейді.

Питер Табичи Кенияның шағын ауылында дүниеге келген. Әкесі мұғалім болғандықтан, Питер бала кезінен білімге жақын болды. Анасы ол небәрі 11 жаста болғанда қайтыс болды. Анасыз өсу оған ерте жастан жауапкершілік пен еңбекқорлықты үйретті. Питер орта мектепті тәмамдаған соң, мұғалім болуды армандады. Ол математика және физика пәні мұғалімі болу үшін жоғары білім алып, туған жеріне қайтып оралды. Табичи білімге қол жеткізудің маңыздылығын түсініп, кедей ауылдың балаларына білім беруді өз өмірінің басты мақсаты етті.

Питердің қызмет ететін мектебі – Кенияның Пвани ауылындағы қарапайым оқу орны. Мектепте тек 4 мұғалім жұмыс істейді, оқушылар саны 200-ден асады. Мектепте жарық, интернет және жеткілікті жабдықтар жоқ. Балалардың көпшілігі кедей отбасылардан шыққан, кейбірі тіпті аштықтан сабаққа әрең келеді. Алайда бұл қиындықтар Питерді тоқтата алмады.

Ол тек білім беріп қоймай, балалардың ғылымға қызығушылығын оятып, олардың өз болашағына сенуіне көмектесті. Оның шәкірттері ғылыми жоба байқауларына қатысып, жеңістерге жетіп жүр. Питердің бастамасымен оқушылар ауылдың басты мәселелерін шешуге бағытталған жобаларды жүзеге асыруда.

Мысалы, оның жетекшілігімен құрғақшылыққа төзімді өсімдіктерді өсіру әдісі ойлап табылды. Бұл жоба халықаралық деңгейде жоғары бағаланып, Кениядағы ауыл шаруашылығының дамуына ықпал етті. Осындай еңбектері арқылы Питер шәкірттеріне сенім сыйлады.

2019 жылы Питер Табичи әлемдік деңгейдегі "Global Teacher Prize" марапатын иеленді. Бұл сыйлық жыл сайын білім беру саласындағы ерекше жетістіктерімен танылған мұғалімдерге беріледі. Әлемнің түкпір-түкпіріндегі мыңдаған ұстаздар арасынан Питердің таңдалуы оның ерен еңбегінің нәтижелілігін көрсетті.

Бұл марапатты алуға оның көптеген жетістіктері себеп болды: Мысалы ол өзінің жалақысының 80%-ын жағдайы төмен оқушылардың білім алуына, тамақтануына арнауы. Және шәкірттерінің халықаралық ғылыми жобаларда жеңіске жетуіне ықпал етуі, Білім арқылы кедей ауылдың әлеуметтік және экономикалық жағдайын жақсартуы.

Бұл марапатты алған кезде ол: "Мұғалімнің жүрегіндегі сенім – балалардың болашағын өзгертеді. Қиындықтан - бұл жаңа мүмкіндіктердің бастауы", - деді. Оның сөздері әлемдегі барлық ұстаздарға үлкен шабыт сыйлады.

Питер Табичидің оқиғасы – әлемнің түкпір-түкпіріндегі мұғалімдер үшін шабыт көзі. Оның ерлігі қиын жағдайда да білімнің маңыздылығын ұмытпауға шақырады. Жарық та, интернет те, тіпті жеткілікті кітаптары да жоқ мектепте балаларды әлемдік деңгейге жеткізуі – нағыз ұстаздық өнер.

Питер Табичидің оқиғасы – ұстаздық қызметтің маңызы мен тереңдігін көрсететін ерекше мысал. Оның жасаған әрбір ісі білімнің адам өмірін түбегейлі өзгертуге қабілетті күш екенін дәлелдеді. Питер тек сабақты жақсы оқытатын мұғалім ғана емес, нағыз гуманист, өз шәкірттеріне сенім ұялатқан шабыт беруші тұлға. Оның өмір жолы – қиындықтарды жеңуге және әр баланың болашағына сеніммен қарауға шақыру.Табичидің жетістігі мұғалім мамандығының тек оқыту ғана емес, үлкен жауапкершілік пен қоғам алдындағы борыш екенін көрсетеді. Оның әрекеттері әрбір ұстазға шабыт сыйлайды. Ол бізге кез келген жағдайдың өзінде де білімге адал болудың, шәкірттерге сенім арту мен қолдау көрсетудің қаншалықты маңызды екенін еске салады.

Бұл оқиға тек ұстаздарға ғана емес, барлық адамдарға жігер береді. Біз кез келген қиындыққа қарамастан, табандылық пен сенім арқылы үлкен жетістіктерге жете алатынымызды ұмытпауымыз керек. Әлемнің ең үздік ұстазы атағы Табичидің тек кәсіби жетістігі емес, шәкірттерінің жүрегіне жол тауып, олардың өмірін жақсы жаққа өзгерту жолындағы ерен еңбегінің мойындалуы болды.

Питер Табичи арқылы біз ұстаздың рөлін жаңаша бағалаймыз. Оның әрекеттері мұғалімдердің қоғамдағы орнын тағы бір мәрте айқындап берді. Мұғалімдер – адамзаттың ең үлкен байлығы болып саналатын білімді ұрпаққа жеткізуші. Олар үміттің шамын жағып, қиындықтар арасында жол табуға көмектесетін шамшырақ.

Сондықтан біз әрбір ұстазға өз жұмысына сеніммен қарап, шәкірттерінің өмірін жақсарту жолында адалдық пен құштарлық танытуға шақырамыз. Питер Табичидің өмір жолы бізге мұғалімдердің қоғамды өзгертудегі рөлін толық түсінуге көмектеседі. Әр ұстаз өз ісіне сеніп, шәкірттерінің мүмкіндіктерін аша білген кезде, болашақта үлкен өзгерістер орын алары сөзсіз.

Питер Табичи секілді ұстаздар – қоғамның нағыз қаһармандары. Олар болашақтың негізін қалап, білімнің шексіз күші арқылы әлемді жақсартуда. Біздің әрқайсымыз өз саламызда Табичидің ерлігін үлгі етіп, үлкен істерге шабыт аламыз. Білімге берілген жүрек ешқашан жалықпайды, ал шынайы ұстаздың еңбегі мәңгі есте қалады.