«Рамазан қоржыны»: Шымкентте 700 отбасыға азық-түлік себеттері таратылды

04.04.2022 09:30

593

Қайырымдылық акциясы 5 орында белгіленді.

Қасиетті Рамазан айының екінші күнінде Шымкент қаласы әкімдігі мен Шымкент орталық мешітінің ұйытқы болуымен «Рамазан қоржыны» қайырымдылық шарасы жалғасуда, деп хабарлайды ERNUR.KZ

Бұл туралы ҚМДБ-ның Шымкент қаласы бойынша баспасөз қызметі мәлімдеді.

Игі шараға Шымкент қаласының бас имамының орынбасары Мұхамеджан Естеміров, қалалық «Зекет және қайырымдылық» қорының жетекшісі Айбек Азимбаев қатысты.

— Қасиетті Рамазан айында кәсіпкерлердің қолдауымен эстафета түрінде жалғасын тапқан шарада 700-ден астам мұқтаж отбасыларға ауызашарға азық-түлік салынған «Рамазан қоржыны» себеті таратылды. Бұл игі бастама жалғасын табады, - деді Мұхамеджан Естеміров.

Еске сала кетсек, қайырымдылық акциясы 5 орында белгіленді. Атап айтқанда; «Ақмешіт», «А.Қаттани», «Байғұт баба», «Нұр-Төбе», «әл-Біләл» мешіттері.