ШЫМКЕНТ: Инвестициялық штаб отырысында алты жоба талқыланды

Шымкент қаласының әкімі Мұрат Әйтеновтің төрағалығымен инвестициялық штаб отырысы өтті, деп хабарлайды ERNUR.KZ.

Инвесторлар тарапынан ауылшаруашылығы, денсаулық сақтау, құрылыс салалары мен жеңіл өнеркәсіпті дамытуға бағытталған жобалар таныстырылды.

Күн тәртібінде негізгі капиталға салынған инвестициялардың орындалу барысы пысықталып, жаңа жобаларды іске асыруда өзекті мәселелер талқыланды.

Қала басшысы жауаптыларға инвесторларға қолайлы жағдай жасау мақсатында тиісті жұмыстарды жүйелі жүргізуді тапсырды.