ERNUR.KZ. Халықаралық әйелдер күні мерекесі қарсаңында Шымкент қаласының әкімі Ғабит Сыздықбеков нәзік жандарды көктемнің шуақты мерекесімен құттықтады. Іс-шараға әр салада еңбек етіп жүрген әйелдерге құрмет көрсетілді.
Шаһар басшысы мерекелік жиында қоғамның дамуында еселі еңбек етіп жүрген бір топ әйел азаматты Алғыс хатпен, сондай-ақ, Мемлекет басшысының атынан мемлекеттік наградалармен марапаттады. Қала әкімі құттықтау сөзінде қазіргі уақытта елімізде нәзік жандар үшін жаңа мүмкіндіктерге кеңінен жол ашылғанын атап өтті. Отбасы институтын, көпбалалы аналарды, кәсіпкер әйелдерді қолдау және гендерлік теңдікті қамтамасыз ету – мемлекеттік саясаттың басым бағыттарының бірі. Өйткені әйел бақытты болса, әлем бақытты.
“ Қадірлі арулар, аяулы аналар! Қаламыздың гүлденіп, көркеюіне және мерейінің үстем болуына сіздердің қосып отырған қажырлы еңбектеріңіз бен қарымды үлестеріңіз орасан. Бүгінгі бейбіт заманда әрбіріміздің жүрегімізден орын алып, көңілімізді нұрландырған әйелдер қауымы ең үлкен құрметке лайық. Сіздерге зор денсаулық, бақ-береке, толағай табыс тілеймін”, – деді қала әкімі.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/43/439f126e001c1cb0b1c2f9a57b1f21df.jpg ""Жетім жігітке күйеуге тисем екен" деп армандадым"")
