Шымкент қаласында басқарма басшылары тағайындалды

ERNUR.KZ. Шымкентте екі басқарманың басшылары тағайындалды, деп хабарлайды ERNUR.KZ Шымкент қаласы әкімдігінің баспасөз қызметіне сілтеме жасап.

Ендігі кезекте Шымкент Қалалық жолаушылар көлігі және автокөлік жолдары басқармасын Қуатжан Жұматаев басқарады.

фото:qazrabat.kz

Ол бұған дейін қалалық жолаушылар көлігі және автокөлік жолдары бөлімін басқарып келген еді.

Қуатжан Әзімбайұлы еңбек жолын 2002 жылы «Т.Рысқұлов» ЖШС-де механик-контролер болып бастаған. Түрлі жылдары қалалық жолаушылар көлігі және автокөлік жолдары бөлімінде;

2009 жылы – «ОДҚ» ЖШС диспетчері, 2012 жылдары Өскемен, Атырау жәен Маңғыстау қалаларындағы жолаушылар көлігі бөлімдерінде қызмет еткен.

2012 жылдың қазан айынан Шымкент қалалық ЖК және АЖ, ТҮКШ бөлімінің жолаушылар көлігі және автокөлік жолдары секторын;

2013 жылдың тамызынан 2018 жылдың шілде айына дейін Шымкент қалалық жолаушылар көлігі және автокөлік жолдары бөлімін басқарған.

Ал Шымкент қалалық құрылыс басқармасын Әбілсейіт Рабаев басқарады.

фото:otyrar.kz

Бұған дейін құрылыс бөлімін басқарған Әбілсейіт Рабаев еңбек жолын 2002 жылы «Компания Ерке» ЖШС-нде оператор;

2009-2015 жылдары ОҚО жолаушылар көлігі және автокөлік жолдары басқармасында түрлі лауазымдарда қызмет еткен.

2017 жылы – «Тұран құрылыс» ЖШС директорының орынбасары, ОҚО әкімі аппаратының хатшылығында қызмет етті, «Шымкент» әлеуметтік-кәсіпкерлік корпорациясы» ЖШС-ін;

2017 жылдың қазанынан Шымкент қалалық құрылыс бөлімін басқарып келген.