ШЫМКЕНТ: Қытай делегациясы өңірдегі ірі өндіріс орындарының жұмысымен танысты

Елші мен оның делегациясы сапар барысында алғашқы болып «Wan Sheng Ceramic» зауытына барды. Бұл – жылына 13 миллион шаршы метр керамикалық тақтайша өндіретін заманауи кәсіпорын. Жоба құны 25,5 миллиард теңгені құрайды және осы жоба аясында 350-ден астам жаңа жұмыс орны ашылған.

Зауыт әлемдік стандарттарға сай заманауи құрал-жабдықтармен жабдықталған, бұл оның өндірістік қуатын арттырып, халықаралық нарықта бәсекеге қабілеттілігін қамтамасыз етеді.