ШЫМКЕНТ: Шымситидегі жарықтандыру жұмыстары қарқын алуда

12.12.2024 16:34

224

Шымкент қаласындағы Шымсити шағын ауданында жарықтандыру жұмыстары қарқынды түрде жүргізілуде.

Бұл бастама қаланың қауіпсіздігін арттырып қана қоймай, тұрғындардың күнделікті өмірін жайлы етуге және түнгі уақытта шағын ауданның ажарын ашуға бағытталған.

Жарықтандыру жобасы аясында заманауи шамдар орнатылып, көше мен аула аймақтары толықтай қамтылуда. Бұл жұмыстар тек инфрақұрылымды жақсарту емес, сонымен қатар тұрғындардың өмір сапасын арттырудың маңызды қадамы.

Қаланы көркейту жолында атқарылып жатқан ауқымды жұмыстардың нәтижесінде Шымсити Шымкенттің ең жарық әрі қауіпсіз аудандарының біріне айналмақ!