2021 жылы «Ремстрой» ЖШС тарапынан құрылыс жұмыстары басталған болатын.
Шымкент қаласы Текесу тұрғын алабы жыл соңына дейін табиғи газбен қамтылады, деп хабарлайды ERNUR.KZ.
Ақтас-2 мен Текесу тұрғын алабында қазір 205 үй қоныстанған. Екі елді мекенге ортақ мектеп, емхана және 2 спорт алаңшасы бар.
Тұрғын алабтардың инфрақұрылым мәселесі кезең-кезеңімен шешімін табуда. Қазір электр жарығы - 100%, ауыз су - 30%, және табиғи газ - 70% қамтылған.
Ақтас-2 тұрғын алабы 2021 жылы ауыз сумен толық қамтылды. Ал, Текесуге ауыз су тарту үшін ЖСҚ әзірленіп, қазір мердігер мекемені анықтау жұмыстары жүргізілуде.
Ақтас-2 тұрғын алабын табиғи газбен қамтамасыз ету үшін 2021 жылы «Ремстрой» ЖШС тарапынан құрылыс жұмыстары басталған болатын. Бұл жұмыстар жыл соңына дейін аяқталып, тұрғындар табиғи газға қол жеткізеді.
Бұр жердегі 10 көшенің 1-і асфальттанған. 2023 жылы Ақтас-2 тұрғын алабындағы 2,5 шақырымды құрайтын №3 көшеге асфальт төселеді.
Ақтас-2-нің 2 көшесі жарықтандырылған Текесудің басты көшелерін жарықтандыру үшін энергетика және инфрақұрылымды дамыту басқармасының жұмыс жоспарына енгізілген.
Интернет желісімен қамтылуы 70 пайыз. Бүгінде Текесу т/а Beеline, Aktiv байланыс операторларының базалық станциясы орнатылған.
