Форум барысында бірқатар мәселелер талқыланды.
М.Әуезов атындағы ОҚМУ-нің ғимаратында «2020 Волонтерлар жылы» аясында ауданның белсенді ерікті жастардың қатысуымен форум өтті, деп хабарлайды ERNUR.KZ.
Еркін форматта пікір алмасу ретіндегі кездесуге Әл-Фараби ауданының әкімі Ғабит Мәуленқұлов арнайы қатысты. Күн тәртібіндегі мәселелерге тоқталған Ғабит Патшаханұлы еріктілердің қатысуымен және атсалысуымен өтетін әлеуметтік бағыттағы шаралар, мәдени бағыттағы және қаламыздағы тазалық акциясы бағытындағы жүргізілетін шараларды атап өтті.
Сонымен қатар, биыл Шымкент қаласы ТМД елдерінің мәдени астанасы, Абай Құнанбайұлының 175 жылдығы және Әбу Насыр Әл-Фарабидің 1150 жылдығы аясында алдағы уақытта аудан көлемінде ерікті жастармен бірлесе атқарылатын жұмыс жоспарлары туралы ойымен бөлісті.
Кездесу аясында аудан әкімі мемлекет басшысының қолдауымен жастарға мемлекет тарапынан әрдайым қолдау көрсетіліп келетіндігін атап өтті. Сондай-ақ, жастар саясатын қолдауға бағытталған мемлекеттік бағдарламаларға тоқталды.
Аудан басшысы жастардың айтқан ұсыныстарын негізге ала отырып, мемлекет басшысының алға қойған мақсаттарына қол жеткізу үшін алған білімдері мен күш-жігерлерін ауданымыздың өсіп-өркендеуі жолында жұмсауларына тілектестігін білдірді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
