Қалада 42 вакциналау бекеті жұмыс істейді.
Шымкент қаласында өткен тәулікте 6 199 адамға вакцина салынды: I компонент - 5 160, II компонент - 1 039 адам. Егу науқаны басталғалы барлығы 83 908 адам вакцинацияланды. Оның ішінде 9 083 адам вакцинаның екі компонентін алды, деп хабарлайды ERNUR.KZ.
26 сәуір күні КВИ-дің 35 жағдайы тіркелген (белгілері бар - 27, белгілері жоқ - 8 ). 15 адам инфекциялық стационарға жатқызылып, 20 адам үй бақылауына алынды.
Қазіргі таңда мамандандырылған инфекциялық стационарларда барлығы 1 290 орын бар (қалалық инфекциялық орталық – 490, «Атамекен» клиникасы – 450, Орынбай ГБОО – 70 орын, №14 емдеу орталығы – 250, қалалық перинаталдық орталық – 30), төсек-орын толымдығы – 45 %.
Қала аумағында санитарлық-эпидемиологиялық талаптардың сақталуы бойынша 24 мобильдік топ жұмыс атқаруда. 26 сәуір күні 265 нысанға тексеру жұмыстары жүргізіліп, оның ішінде 8 нысанда карантин режимінің талаптары бұзылғандығы анықталды.
Шымкентте вакциналау бекеттерінің саны 42-ге ұлғайды. Қалада вакциналау қоры жеткілікті. Тұрғындарды екпе егуге белсенді қатысуға шақырамыз.
